शेतकऱ्यांसाठी खुशखबर! सरकार देणार दरमहा पेन्शन जाणून घ्या पात्रता, कागदपत्रं आणि अर्ज प्रक्रिया

PM Kisan Mandhan Yojana :- शेतकऱ्याचं आयुष्य म्हणजे कधी पावसाची चिंता, कधी बाजारभावाचा तुटवडा, कधी कर्जाचा डोंगर तर कधी विम्याची वाट पाहणं. दिवस रात्र राबून, उन्हातान्हात जळत-भिजत हे शेतकरी आपल्या कुटुंबाचा उदरनिर्वाह करतात. पण या कष्टाचं भविष्य काय? उतारवयात आधार मिळणार की नाही, हा मोठा प्रश्नच आहे.

हे पण वाचा| देशभरात मान्सूनचा जोर वाढतोय IMD चा मुसळधार पावसाचा अलर्ट, महाराष्ट्रासह अनेक राज्यांमध्ये हवामानात मोठा बदल

हाच प्रश्न लक्षात घेऊन केंद्र सरकारनं शेतकऱ्यांसाठी प्रधानमंत्री किसान मानधन योजना (PM Kisan Mandhan Yojana) सुरु केली आहे. ही योजना म्हणजे एक प्रकारची निवृत्तीवेतन योजना आहे. शेतकरी वयाच्या ६०व्या वर्षानंतर दर महिन्याला ३००० रुपयांची पेन्शन या योजनेतून मिळवू शकतो.

गावागावात योजनेचा गाजावाजा सुरू आहे. कुणी म्हणतं “आता म्हातारपणी हातावर हात ठेवून नाही बसावं लागणार,” तर कुणी म्हणतं  “मोठ्या बँकेमध्ये जायची गरज नाही, ऑनलाईन अर्ज करता येतो!” पण तरीही अनेकांना योजनेची अचूक माहिती नाही, हेच खूप दु:खद आहे.

काय आहे ही पीएम किसान मानधन योजना?

या योजनेत १८ ते ४० वयोगटातील लहान-मोठ्या शेतकऱ्यांना सामावून घेतलं जातं. आणि महत्वाचं म्हणजे ज्यांच्याकडे २ हेक्टरपर्यंतची जमीन आहे, आणि जे कोणत्याही इतर सरकारी पेन्शन योजनेचे लाभार्थी नाहीत, त्यांनाच या योजनेत सामील होता येतं.

हे पण वाचा| शेतकऱ्यांनो, ‘Farmer ID’ म्हणजेच शेतकरी ओळख क्रमांक घ्या, नाहीतर सरकारच्या मदतीपासून राहाल वंचित!

शेतकऱ्याने फक्त दर महिन्याला थोडीशी रक्कम ५५ ते २०० रुपये वयाच्या आधारावर गुंतवायची. आणि मग जेव्हा तो ६० वर्षांचा होईल, तेव्हा त्याला दर महिन्याला ३००० रुपये निवृत्तीवेतन मिळणार. ही रक्कम थेट बँक खात्यात जमा होईल.

उदाहरण पाहूया:

समजून घ्या की गणपत शेवाळे  बीड जिल्ह्यातला एक शेतकरी. वय ३० वर्ष. त्याने पीएम किसान मानधन योजनेत नाव नोंदवलं. दर महिन्याला तो फक्त १०० रुपये भरतो. आणि वयाच्या ६०व्या वर्षी त्याला आता दर महिन्याला ३००० रुपये पेन्शन मिळणार आहे. गणपतबापू म्हणतो, “आता म्हातारपणाची काळजी वाटत नाही बाबा…!”

अर्ज कसा करायचा?

• या योजनेत अर्ज करणं एकदम सोपं आहे. तुम्ही ऑनलाइन अर्ज करू शकता. त्यासाठी फक्त www.pmkmy.gov.in या वेबसाइटवर जायचं आहे.
• तिथं ‘Apply Now’ या पर्यायावर क्लिक करा
• एक फॉर्म ओपन होईल
• त्या फॉर्ममध्ये तुमचं नाव, पत्ता, आधार क्रमांक, बँक डिटेल्स अशी माहिती भरा
• आधार लिंक असलेल्या मोबाईलवर OTP येईल
• OTP भरून फॉर्म सबमिट करा
• तुमचा अर्ज यशस्वीरित्या सबमिट झाल्यानंतर तुम्हाला नोंदणीचा पुरावा मिळेल.

महत्वाचं:

जर तुमचं वय ४० वर्षं असेल, तर तुम्हाला दर महिन्याला २०० रुपये भरावे लागतील. पण यात घाबरण्याचं काही कारण नाही. कारण २० वर्षांनंतर तुम्हाला आजीवन दर महिन्याला ३००० रुपये पेन्शन मिळणार आहे.

कोण अर्ज करू शकत नाही?

जर एखादा शेतकरी करदाते असेल, किंवा ईपीएफ, एनपीएस, ईएसआयसी या सरकारी पेन्शन योजनांचा लाभ घेत असेल, तर तो या योजनेसाठी पात्र ठरत नाही.

सरकारचा मोठा ध्येय  आत्मनिर्भर शेतकरी

सरकारचं उद्दिष्ट स्पष्ट आहे  शेतकऱ्याला आत्मनिर्भर बनवायचं. केवळ उत्पादनात नाही, तर भविष्यातील आर्थिक सुरक्षेतही. आणि म्हणूनच ही योजना महत्त्वाची आहे.

विचार करा…

आज जो शेतकरी वयाच्या तिशीत आहे, त्याला म्हातारपणात हात पसरावा लागू नये, म्हणून ही योजना सुरु झाली आहे. पावसावर अवलंबून राहणाऱ्या या जीवनात किमान एक गोष्ट तरी नक्की हवी – आणि ती म्हणजे “म्हातारपणीचा आर्थिक आधार!”

अशाच नवनवीन माहितीसाठी आमच्या व्हाट्सअप ग्रुप जॉईन करा