Farmer ID Maharashtra :- सध्या राज्यात शेतकऱ्यांसाठी एक नवा अध्याय सुरु झाला आहे Farmer ID. ही कुठली साधी ओळख नाही, तर तुमच्या भविष्यातील सरकारकडून मिळणाऱ्या प्रत्येक योजनेंचं दार उघडणारी एक चावी आहे. केंद्र आणि राज्य सरकारनं मिळून हा फार्मर आयडी बंधनकारक केल्यामुळे आता कोणतीही योजना असो ती लाभायची असेल, तर हाच एकमेव मार्ग उरला आहे.Farmer ID Maharashtra
हे पण वाचा| राज्यात मुसळधार पावसाचा धोका! १३ जूनपासून १८ जूनदरम्यान अतिवृष्टीचा इशारा
आज अनेक गावांमध्ये आपण पाहतोय की, शेतकरी रांगेत उभा आहे हातात आधार, बँकेचा पासबुक आणि सातबारा. कारण त्याला फार्मर आयडी हवा आहे. तो तयार नसेल, तर पीकविमा मिळणार नाही, पीएम किसानचा हप्ता थांबेल, खत आणि बियाण्याच्या सवलतीपासून तो वंचित राहील. एवढंच काय, नैसर्गिक आपत्ती निवारणाच्या योजनाही त्याला लाभणार नाहीत.
शासनाकडून स्पष्ट सूचनाच आहे “Farmer ID नसल्यास कोणत्याही शासकीय योजनांचा लाभ मिळणार नाही.” आणि त्यामुळे अनेक शेतकरी हल्ली फार्मर आयडी तयार करण्यासाठी धडपड करत आहेत. पण खरी अडचण येते ती नोंदणी प्रक्रियेमध्ये. एखाद्याचं नाव चुकीचं, कोणाचा मोबाईल नंबर चुकलेला, सातबाऱ्यावर वेगळं नाव यामुळे अर्ज प्रलंबित राहतात किंवा सरळसरळ रद्द होतात.
फार्मर आयडी म्हणजे काय?
हा एक अद्वितीय क्रमांक आहे जसं आपण आधार कार्ड वापरतो, तसं. पण यात केवळ नाव नाही, तर तुमचा पत्ता, मोबाईल, जमिनीची माहिती, पीक पद्धती, बँकेचं डिटेल्स, सगळं काही असतं. म्हणजे सरकारला थेट शेतकऱ्यांपर्यंत मदत पोहोचवायला ही सगळी माहिती लागते. यावरच तुमचा सगळा हक्क आधारित असतो.
हे पण वाचा| राज्यात मुसळधार पावसाचा धोका! १३ जूनपासून १८ जूनदरम्यान अतिवृष्टीचा इशारा
नोंदणी कशी करायची?
शेतकऱ्यांनी AgriStack या पोर्टलवर जाऊन ऑनलाईन नोंदणी करायची आहे. सुरुवातीला तुमची वैयक्तिक माहिती, मोबाईल नंबर देऊन OTP वगैरे वापरून खाते तयार होतं. यानंतर मिळतो तात्पुरता आयडी पण तो final नसतो. शेवटी संबंधित विभाग सगळी माहिती तपासून अंतिम मंजुरी देतो, आणि मगच तुमचा ‘Farmer ID’ अधिकृत मानला जातो.
पण इथंच गडबड होते…
भाऊ गडबड होते ती तुमच्या माहितीमध्ये. पांडुरंग शिंदेंचं नाव पोर्टलवर ‘Pandurang Shide’ असं चुकून टाईप झालं. किंवा मोबाईल नंबर मध्ये शेवटचा अंक चुकला. किंवा सातबाऱ्यावर नाव दुसरं आहे. मग काय? अर्ज तिथंच थांबतो. योजना तोंडावर आली तरी काही मिळत नाही.
मग करायचं काय?
जर तुम्ही आधीच आयडी केला असेल आणि तरीही योजना मिळत नसतील, तर एकदा AgriStack पोर्टलवर लॉगिन करून ‘View My Information’ वर जा. तिथं तुमची सगळी माहिती दिसते. काही चूक असेल तर ‘Edit’ किंवा ‘Update’ करून ती सुधारता येते. ती माहिती पुन्हा अधिकाऱ्याकडे जाते आणि मंजुरीनंतर अपडेट होते.
मोबाईल नंबर कायम ठेवा…
अजून एक महत्त्वाची गोष्ट मोबाईल नंबर! तोच नंबर वापरा जो सुरुवातीला दिला होता. कारण OTP त्यावरच येतो. जर नंबर बदललाय तर त्रास होऊ शकतो. खाते लॉक होऊ शकतं.
हे पण वाचा| राज्यात मुसळधार पावसाचा धोका! १३ जूनपासून १८ जूनदरम्यान अतिवृष्टीचा इशारा
आता विचार करा…
तुमच्या शेजारचा गणपत शेवाळे म्हणतो “मी पिकविमासाठी अर्ज केला होता, पण काहीच मिळालं नाही.” चौकशी केली तर कळालं त्यानं चुकीचा मोबाईल नंबर दिला होता. यावरून शिकावं फार्मर आयडी ही एक वेळची गोष्ट असली, तरी चुकीने भरली गेली तर ती वर्षानुवर्षं त्रास देऊ शकते.
आजची गरज काय?
जितके लवकर शक्य होईल तितक्या लवकर Farmer ID तयार करा. तुमचं नाव, सातबारा, आधार, बँक पासबुक सगळं तयार ठेवा. जिथं इंटरनेट नाही तिथं तालुका कार्यालयामार्फत किंवा कृषी सहाय्यकांमार्फत नोंदणी सुरू आहे. काही स्वयंसेवी संस्थाही मदत करतायत.
हे लक्षात ठेवा
आज प्रधानमंत्री किसान योजना, प्रधानमंत्री पीकविमा योजना, खरीप-रबी अनुदान, कृषी यांत्रिकीकरण योजना, नैसर्गिक आपत्ती मदत योजना… या सगळ्यांमध्ये Farmer ID लागतो. जर तुम्ही हे बनवलं नाही, तर उद्या जेव्हा तुमचं नुकसान होईल, तेव्हा सरकार म्हणेल “तुमचा आयडी नाही, आम्ही काय करू?”
शेवटी सांगायचं तर…
शेतकऱ्याचं आयुष्य आधीच संकटांनी भरलेलं. पावसाचं अनिश्चिततेपासून बाजाराच्या भावापर्यंत प्रत्येक गोष्ट अडचणीची. अशात जर सरकारी मदत मिळवायची असेल, तर Farmer ID ही पहिली पायरी आहे. ती चुकवू नका. तिला वेळेवर आणि अचूक पूर्ण करा. नाहीतर सरकार तुमच्या शेजाऱ्याला मदत करेल आणि तुम्ही बघत राहाल.