PM Kisan Yojana :– भारत देश हा कृषीप्रधान देश आहे, आपल्या देशात कोट्यवधी लोकांचा उदरनिर्वाह शेतीवर अवलंबून आहे. शेतकरी रात्रंदिवस राबतो, कधी ऊन, कधी पाऊस, तर कधी वादळी वारे… पण त्याच्या मेहनतीला कधी कधी योग्य मोबदला मिळत नाही. अशा वेळी सरकारने त्याच्या पाठीशी उभं राहणं गरजेचं असतं. बळीराजाच्या मदतीसाठी केंद्र सरकारनं सुरू केलेली ‘पीएम किसान सन्मान निधी योजना’ शेतकऱ्यांसाठी एक मोठं आधारवड ठरत आहे.PM Kisan Yojana
हे पण वाचा :– PM किसानचा 20 वा हप्ता लवकरच जून 2025 मध्ये मिळणार पैसे, स्थिती व ई-केवायसी लगेच तपासा!
या योजनेत सरकार शेतकऱ्यांना वर्षभरात ६००० रुपयांची थेट आर्थिक मदत देते. ही रक्कम तीन हप्त्यांमध्ये शेतकऱ्यांच्या थेट बँक खात्यात जमा केली जाते. आतापर्यंत या योजनेचे १९ हप्ते शेतकऱ्यांच्या खात्यात जमा झाले आहेत. आता सगळ्यांच्या नजरा लागल्या आहेत २० व्या हप्त्याकडे!
२० वा हप्ता केव्हा मिळणार?
मिडिया रिपोर्टनुसार, २० जून २०२५ रोजी पुढील हप्त्याची रक्कम म्हणजेच ₹२००० शेतकऱ्यांच्या खात्यात जमा होणार असल्याचं सांगितलं जात आहे. मात्र, याबाबत अद्याप सरकारकडून कोणतीही अधिकृत घोषणा करण्यात आलेली नाही. तरी बळीराजानं काळजी करू नये, लवकरच खात्यात पैसे जमा होणार याची शक्यता आहे.
हे पण वाचा :– PM किसानचा 20 वा हप्ता लवकरच जून 2025 मध्ये मिळणार पैसे, स्थिती व ई-केवायसी लगेच तपासा!
योजना कशी चालते?
पीएम किसान योजनेत दर चार महिन्यांनी शेतकऱ्यांच्या खात्यात ₹२००० जमा केले जातात.
पहिला हप्ता: एप्रिल ते जुलै
दुसरा हप्ता: ऑगस्ट ते नोव्हेंबर
तिसरा हप्ता: डिसेंबर ते मार्च
अशा प्रकारे वर्षभरात ६००० रुपये मिळतात. हप्ते वेळेवर मिळावे यासाठी केवायसी पूर्ण असणं आवश्यक आहे. जर केवायसी पूर्ण नसेल तर हप्ता अडकण्याची शक्यता असते.
कोण पात्र आहे?
या योजनेचा लाभ देशातील सर्व शेतकऱ्यांना मिळतो, मात्र त्यासाठी काही अटी आहेत:
शेतकऱ्याच्या नावावर जमीन असणं गरजेचं आहे.
बँक अकाउंट आधारशी लिंक असणं आवश्यक आहे.
केवायसी पूर्ण असणं बंधनकारक आहे.
शेतकरी म्हणजे आपल्या देशाचा कणा. त्याच्या प्रगतीतच देशाचं भविष्य दडलेलं आहे. सरकारने वेळोवेळी बळीराजाच्या मदतीसाठी योजना राबवल्या, पण वेळेवर मदत पोहोचणं हेच महत्वाचं आहे. आता सगळ्यांच्या नजरा २० जूनकडे आहेत. हा हप्ता वेळेवर मिळाला, तर बळीराजाचं मन थोडं हलकं होईल आणि कर्ज, बियाणं, खते या सगळ्या अडचणींवर तो नवा विश्वास घेऊन उभा राहील.